Ég er búúúúúinnnnnn. Þessu er lokið þessa önnina. Ég held að síðasta prófið hafi bara gengið allt í lagi. Skiptir ekki máli lengur. Núna er bara að taka aðeins til hérna, ekki búið að gera það síðustu dagana, og síðan að pakka. Flug á morgun klukkan 7:30 til New York. Síðan kominn heim á miðvikudaginn, vonandi með fullt af myndum.

|

Ég var rétt í þessu að koma úr prófi í straumflæðafræði. Hausinn er alveg steiktur núna. Leit varla upp í 3 tíma. Þetta var nokkuð erfitt próf en ég held að mér hafi alveg gengið þokkalega. Það fóru mjög fáir áður en próftíma var lokið þannig að ég hugsa að þetta hafi verið nokkuð erfitt fyrir alla. Ég fékk samt smá gleðifréttir að leiðinni út. Ég hitti einn prófessorinn minn, þann sem kennir byggingarverkfræði tímann. Ég var hæstur í bekknum (yeah baby), nokkuð sáttur með það. Ætla að slaka á í smátíma núna en síðan hefst lærdómurinn fyrir síðasta prófið.

|

Enn einn lærdómsdagurinn búinn. Sem betur fer bara 2 svona eftir. Ég fer í próf klukkan 2 á morgun og svo klukkan 7 á föstudagskvöldinu. Eftir nokkra klukkutíma (svona 60) verður maður á toppnum í Empire State byggingunni að horfa yfir New York. Til mikils að hlakka. En fram að því er það bara lærdómur þannig að ég held ég hætti að eyða tímanum í að skrifa hérna og hætti því bara núna.
Vill bara ljúka þessu með því að minna fólk á að minnast Ruben Gonzales sem lést í gærkvöldi, 84 ára gamall.

|

Þá er fyrsta prófið búið. Það gekk bara nokkuð vel. Í tilefni af því held ég að það sé tilvalið að skella sér á El Rhodeo, ekki að ég sé ekki þar alla vegana einu sinni í viku. Það besti mexíkóski matur sem ég hef smakkað enda er ég fastagestur þar og fagnað sem amigo þegar ég mæti.
Ég fór síðan í Best Buy í dag og keypti þriðju og fjórðu seríuna af Sopranos. Mér ætti því ekki að leiðast þegar ég kem heim. Síðan byrjar lærdómur í kvöld fyrir næsta próf sem er í Fluid Mechanis (straumflæðafræði held ég að það sé, spennandi ekki satt). Það próf er á fimmtudaginn. 8 dagar í heimkomu í dag, 4 í New York.

|

Bara 4 dagar eftir af lærdómi. Það er ekki svo slæmt. Fyrsta prófið er á morgun. Ég er ekkert voðalega stressaður fyrir það. Aðallega stressaður yfir því hvað ég er lítið stressaður. Ég hugsa samt að þetta verði ekki mikið mál. Þarf samt að fara beint að læra eftir prófið á morgun.
Ég var að bæta við gestabók hérna til hliðar. Fólki er velkomið að skrifa í hana ef það vill. Nú er einnig hægt að sjá hvernig veðrið er hérna í Durham.
Smá heilræði til Kidda hérna í lokin. Slakaðu á kallinn.

|