Þvílíkt snilldarveður í dag. Frekar súrt að vera inni í tíma. Prófið í dag gekk bara nokkuð vel og því er þessi törn búin. Ég fór síðan að versla sólarvörn og fleira sem maður þarf í sólina. :) Lagt verður í hann annað kvöld og verður það þvílíkt road-trip. Stefnan er að keyra eins lengi og menn hafa orku í og henda sér þá inn á mótel og halda síðan áfram daginn eftir. Við erum fjögur sem erum að fara þetta, ég, Dan, Max sem er þýskur strákur sem á húsið sem við gistum í og kærastan hans sem er bresk. Þetta verður bara stuð. Það verður þ.a.l ekkert skrifað hérna næstu vikuna en vonandi verður að nógu að segja þegar ég kem tilbaka.

|

Alexander frændi og Lína kærastan hans eignuðust lítinn strák í gær og vil ég ósk þeim til hamingju með það.
Fátt merkilegt sem gerist hérna úti þessa dagana. Bara lærdómur. Ég tók léttan nap í dag eftir langar nætur í lítin svefn síðustu daga. Ekkert smá langt síðan maður hefur lagt sig á daginn. Ég hefði kannski ekki átt að gera það því að síðan byrjaði ég að læra alltof seint fyrir próf sem er á morgun/eftir. Ég tók þokkanlegan Steina á þetta og byrjaði að læra það sem ég kunni fyrir þannig að þetta var ekki alveg nógu öflugt. Sjáum til hvernig þetta fer á morgun. Þessir 3 prófdagar verða þá loksins búnir og við tekur sól og sumar,vei vei. Klukkan er núna orðin alltof margt og Red Bull búið að halda mér vakandi of lengi. Fer að slútta þessu. Later

|

Það er kominn 1. mars og 29. febrúar því búinn og töluvert í að hann komi aftur. Klukkan er núna að verða 5 um morgun og ég er rétt í þessu að klára að læra. Ég er búinn að vera að í allan dag fyrir utan að spila eitt stykki leik. Við unnum Elon 1-0 í ágætis leik. Ég spilaði í hægri bakverði í dag og var ágætlega búinn eftir að hafa stormað upp völlinn hvað eftir annað. Ég var rétt í þessu að klára skýrslu og fyrir áhugasama var ég að rannsaka þetta, skrifaði meira að segja 8 blaðsíður um þennan hlut, spennandi ekki satt. Jæja, ég ætla að fara að sofa, þetta gengur ekki lengur. Próf á morgun og fyrirlestur.

|

Allur laugardagurinn fór í það að læra inni á bókasafni og þ.a.l er ekki frá mörgu merkilegu að segja. Jú, mér var hent út af bókasafninu á laugardagskvöldi, eitthvað sem gerist ekki mjög oft. Við spiluðum ekki í dag eins og til stóð en leiknum var frestað þar til á morgun. Leikurinn verður hérna í Durham. Við þurfum reyndar að spila á gervigrasi sem er ekki nógu skemmtilegt en í staðin þurfum við ekki að ferðast til Elon þar sem leikurinn átti upphaflega að fara fram. Það kemur sér nokkuð vel þar sem það veitir ekki af aukatíma fyrir lærdóminn.

|