Núna er ég nánast alveg komin heim. Ég er reyndar í Richmond núna í heimsókn hjá Fanney og Högna sem bjuggu í Durham í fyrra. Ég, Högni og Þóra vorum að koma úr golfi rétt í þessu. Ég vann þannig að það verður að fara aftur á morgun og gefa þeim annað tækifæri. Flug á morgun heim. Ætli að síðan fari ekki bara í sumarfrí núna. Flesta lesendur mun ég hvort eð er sjá nánast á hverjum degi í sumar.

|

Jesss maður. Ég er búinn með prófin. Ágætlega sáttur núna. Forvitinn að vita hvað Kiddi á mikið eftir núna af skólanum, hahaha. Núna þakka ég fyrir að prófin eru öll tekin á stuttum tíma. Það er fínt að taka þetta svona eins og að taka plástur af: ''one motion, right off'' (Seinfeld). Ég ákvað að vitna í heimildir þar sem ég þarf núna að skrifa eina ritgerð áður en ég kem heim og ef maður gleymir því þá getur maður sagt bless við þennan skóla í 2 annir. Þeir grínast ekkert með þau mál hérna. Við erum nú með 2 stráka í liðinu sem eru í ársleyfi frá skólanum fyrir að svindla. Annar fyrir að vitna ekki í heimildir og hinn fyrir að svindla á prófi. Snillingar.
Ef einhver er forvitinn að vita (væntanlega foreldrar) þá gekk prófið bara nokkuð vel í dag. Kemur allt í ljós eftir nokkra daga. Jæja, núna þarf ég að fara að finna ferðatöskuna. Reyna að koma einhverju ofan í tösku. Kominn með alltof mikið af drasli hérna. Verð að skilja góðan slatta eftir hérna úti. Fara að kaupa kassa fyrir það dót.

|

Próf númer 2 búið. Það var frekar auðvelt. Ég var búinn með það eftir rétt rúman klukkutíma, ég get ekki kvartað yfir því. Það var ekki mikill tími til þess að fagna því að þessu prófi var lokið því að næsta próf er strax á morgun. Ég mætti því með allar bækurnar fyrir næsta fag í töskunni og fór beint á bókasafnið eftir að prófi lauk. Þetta var því nokkuð spennandi dagskrá. Ekki meira að frétta héðan.

|

Ég var að koma úr prófi í Soil Mechanics eða drullufræði eins og ég hef kosið að þýða þetta. Þetta var nú svona í strembnari kantinum en ég held að þetta hafi nú samt alveg gengið ágætlega. Lítið að gerast hérna annars. Þarf að fara að læra fyrir næsta próf rétt bráðum. Það er annað kvöld. Þoli ekki kvöldpróf. Búinn að taka þau nokkur svoleiðis hérna, hef reyndar aldrei sloppið við það. Yfirleitt hafa þau þó verið frá 7 til 10 á föstudagskvöldum þegar flestir í skólanum hafa veirð búnir í prófunum. Þetta er nú ögn skárra.
Ég sá að Gummi Daniels er farinn að skrifa frá Danmörku þannig að ég bætti honum við á listann hérna til hliðar.
Það eru síðan bara 6 dagar í flug en fram að því 2 próf, ein ritgerð, pakka, koma fyrir dóti í geymslu, versla hitt og þetta fyrir hina og þessa og eflaust eitthvað fleira sem ég er að gleyma.

|