Það er nú þegar ljóst að Stórveldið úr Kópavoginum verður á toppi 1.deildar sama hvernig leikurinn gegn Fjölni fer í kvöld.  Við vonumst samt eftir sigri en þetta verður hörkuleikur býst ég við.  Við þurfum samt að spila miklu mun betur en síðast. (langaði bara að segja miklu mun) Strax eftir leik verður síðan brunað í vinnupartý sumarstarfsmanna þar sem ég býst við gríðarlegri stemmningu.  Kannski maður mæti með myndavélina og taki eitthvað af myndum af öllum ósköpunum.  Hver veit?  Á morgun er síðan afmæli hjá fyrirliðanum Gulla þannig að dagskráin er þétt þessa helgina.  Hann heimtar pakka kallinn.  Þarf að redda því á morgun.  Fínt mission fyrir morgundaginn.  Á sunnudaginn opna síðan golfvellirnir aftur eftir meistarmótin og er stefnt á að taka hring.  Það er farið að hringja í mann til þess að fá að fara með manni, svo vinsæll er maður.  Þóra ætlar að koma með mér og Ítalanum og ekki ólíklegt að Úðinn mæti líka.  Synd að komast ekki í dag enda snilldarveður.  Yfirmaðurinn minn er að fara í sumarfrí núna og er verið að vinna í því að koma mér á aðra deild þessar síðustu vikur hérna, kemur allt betur í ljóst eftir helgi.  Ef það gengur ekki verð ég bara á netinu þangað til ég fer út.  Ég vil síðan minna fólk á að stórveldisbolirnir eru komnir í sölu, kíkið á þá hér. 

|

Jæja, það hlaut að koma að því. Fyrsta tap mitt í HK er staðreynd. Við töpuðum fyrir Stjörnunni á föstudagskvöldinu á nýja gervigrasvellinum þeirra. Þetta var nú alls ekki slæmur leikur að okkar hálfu en hlutirnir einhvern veginn gengu ekki upp. Við komust reyndar yfir með stórglæsilegu skallamarki, jafnvel að þetta sé mark sumarsins, en þegar stutt var í hálfleik þá ákvað ágætur dómari leiksins að dæma vítaspyrnu þegar greinlegt var að brotið var leikmanni Stjörnunnar utan teigs. Best að tala ekki meira um dómarann svo maður lendi ekki sömu leiðindum og Grindvíkingurinn sem missti sig aðeins í gagnrýni á dómara landsins. Seinni hálfleikur var nú svona frekar daufur en þegar 10 mínútur voru eftir náðu Stjörnumenn að skora og þar við sat. Hundfúlt að tapa en Valsarar töpuðu einnig þannig að við erum ennþá á toppnum í 1.deildinni. Næsti leikur er siðan við Fjölnismenn á föstudaginn.
Ég og Ófinn reyndum siðan að fara í næturgolf eftir leikinn en ég gafst upp á miðri 3.holu, bæði sökum þreytu og lélegs gengis.
Á laugardeginum ákváðum ég, Höski og Bensi að hittast og kíkja í bæinn saman. Þetta kvöld heppnaðist alveg stórvel og var mikið stuð og fíflagangur. Við breyttum til og kíktum á Habbann þar sem við hittum fullt af fólki og dj Andri sá um að halda uppi stuðinu. Öllum að óvörum þá beilaði Beilerinn fyrstur allra en það er svo sem engar fréttir.

|