Var að borga fyrir flugmiðann út.  85 þúsund kall. Ég fer núna eftir tæpar 3 vikur eða 10.ágúst.  Það er orðið fáranlega stutt í þetta. Sumarið er búið að fljúga framhjá manni.  Margt samt búið að gerast og margt sem á enn eftir að gera.  Ennþá t.d. 4 leikir eftir hjá HK, einn í kvöld gegn Val á Kópavogsvelli.  Það hefur einnig ekkert orðið úr Göngunni 2004 en það ætla ég að skrifa að mestu leyti á "köggulinn" Kidda sem er búinn að fresta þessu hverja helgina á fætur annarri. Kvartar undan eymslum í baki. Bara væl. Þetta er eitthvað sem verður að gerast.  Ég á nú enn eftir að koma mér undir 30 í forgjöf, verð að vinna betur í því sérstaklega þar sem BB hefur náð því. Eflaust eitthvað fleira sem ég þarf að gera áður en ég fer aftur, man það bara ekki þessa stundina. 

|

Hvaða vitleysa er í gangi.  Ég var að fá póst frá skólanum mínum þar sem það var verið að tilkynna að öllum fyrsta árs nemum verður gefið iPod sem tilraun hvort að það sé hægt að nota það við kennslu. Ákveðið var að láta einungis fyrstu árs nemana taka þátt í þessu prógrammi. Þetta er rugl, þetta eru f***ing freshmen. Hægt er að skoða fréttina hérna.

|

Við auluðumst til þess að tapa fyrir Fjölni á föstudaginn.  Hvað er að gerast?  Er allt í upplausn, blaðran sprungin? Nei, ég hugsa nú ekki en þetta var slakt hjá okkur á föstudaginn og þá sérstaklega seinni hálfleikurinn sem var hreint út sagt hörmulegur að okkar hálfu. En það þýðir ekkert að hugsa um þetta og lengi. Styttist óðum í næsta leik gegn Val. 
Eftir leikinn var skellt sér í vinnupartý sem var mjög vel heppnað.  Sveinbjörn hélt þetta heima hjá sér og fór síðan hópurinn saman niður í bæ og voru menn þar mis lengi. 
Eftir stuttan svefn fór ég á æfingu á laugardagsmorgni.  Þetta var sem betur fer létt æfing.  Dagurinn var síðan algjör snilld.  Veðrið frábært og skelltum við Ófeigur okkur niður í bæ og sátum þar í góðu chilli og fylgdumst með landanum. 
Á sunnudeginum var búið að plana golf. Ég, Ófeigur, Bensi og Þóra ætluðum að kíkja hring en öllum að óvörum þá pullaði Bensi Bensann á þetta og hætti við. Núúuu.  Kom svo sem ekkert á óvart en við hin 3 fórum, létum þetta ekkert á okkur fá.  Kíkti síðan aftur fyrir vinnu í morgun, þokkalega geðveiki en gaman samt.

|