Við gerðum okkur lítið fyrir og slógum Valsara út úr bikarnum í 8-liða úrslitum og erum þ.a.l. komnir í undanúrslit. Ég gæti ímyndað mér að Jón Skafti sé ekkert alltof sáttur við þetta en það verður bara að hafa það. Þetta var kærkominn sigur og gaman að fá að syngja Rabbabara Rúnu aftur eftir langt hlé. Ég var farinn að hafa áhyggjur af því að ég myndi tapa síðustu 6 leikjunum sem ég spilaði hérna heima. Núna stefni ég að sjálfsögðu á það að vinna síðasta leikinn á mánudaginn gegn Haukum. Valsarar vildu meina að einhver leikmaður HK-inga hafi varið boltann með hendinni rétt fyrir leikslok og kvörtuðu mikið í dómaranum. Ég var náttúrulega ekki í aðstöðu til þess að sjá þetta almennilega og vill því sem minnst tjá mig um þetta atvik enda breytir þetta engun máli lengur.

Það var dregið í bikarnum í dag og við spilum við Keflvíkinga á Laugardalsvelli 26.sept. Aldrei að vita nema að Vicci geti spilað þann leik. Þarf að ræða það við coach. (gangi mér vel þar) Áhorfendur hafa hrópað HK í UEFA CUP síðan við lögðum Skagann og það er aldrei að vita nema það rætist bara úr því. Þarf ýmislegt að ganga upp en það er allt hægt.

Ég fer sem sagt út á þriðjudaginn næsta sem þýðir að þetta eru allra síðustu dagar sumarsins hér heima hjá mér. Veðurguðirnir gráta yfir þessu öllu saman þessa dagana og ég sem hætti í vinnunni á miðvikudaginn til að slaka á og spila golf hef lítið komist sökum þess. Talandi um vinnuna þá er henni lokið og ég kominn með mikla reynslu í flutningum og öðru því tengdu eftir sumarið. Ef fólk vantar vanann mann í vinnu þá ætti það ekki að hika við að hafa samband. Ég reyndar dýr en vinnan góð.

Jæja, síðasta helgi sumarsins er að verða að veruleika. Ætli það sé ekki skylda að kveðja næturlíf Reykjavíkur með viðeigandi hætti og taka smá bæjarrölt í kvöld.

|

Ein vika þangað til ég fer út aftur. Þá taka við 10 dagar af skelfilega leiðinlegum æfingum í alltof miklum hita og raka en eftir það róast þetta nú þ.e. þegar skólinn byrjar. Ófi ætlar síðan að kíkja út í lok ágúst, það verður stuð enda annað ekki hægt.
Verzlunarmannahelginni var að að ljúka og hún var bara nokkuð vel heppnuð. Ég var á Dalvík að æfa með HK-liðinu bæði á föstudag og laugardag. Eftir æfingu á laugardaginn var síðan golfmót og grill. Um kvöldið var síðan kíkt til Akureyrar. Menn voru í mis miklu stuði. Ég var tiltölulega rólegur, kíkti aðeins á Sjallann en það var svo sem engin rosa stemmning þar. Hópurinn tvístraðist og þegar ég vildi fara heim fann ég engan sem var á bíl. Endaði að á því að taka taxa með 3 öðrum félögum yfir til Dalvíkur. Það voru litlar 9000 krónur takk fyrir. Ég keyrði síðan heim á sunnudegi með fullan bíl af rugludöllum og var bílferðin því skemmtileg. Vil þakka Árna Thor, Ása, Binna S. og Binna V. fyrir að halda uppi stuðinu þar. Fimm aura brandararnir voru ekki sparaðir enda engin ástæða til.

Það var nú ekki annað hægt en að kíkja aðeins út á sunnudagskvöldinu. Ég og Bensi kíktum yfir til Höska sátum þar í góður yfirlæti þar til að Bensi dró okkur í eitthvað skelfilegt partý. Við endumst þar í 10 mínútur og var það alveg 10 mínútum of mikið. Þess í stað ákváðum við að kíkja niður í bæ og vorum þar eitthvað frameftir kvöldi í góðu stuði. Það hittum við meðal annars Yfirflokksstjórann, reyndi meira að segja að tala við hann en það gekk ekki, kom ekkert af viti upp úr honum. Einnig hitti ég fólkið frá Clemson og er nú þegar farið að plana næsta Thanksgiving.

Ég var rétt í þessu að koma af Búllunni. Fékk mér Tilboð Aldarinnar. Mæli með því. Það er alveg spurningum að vera með svona aðlögunartíma áður en maður fer aftur út til Bandaríkjanna og vera svolítið í hamborgaranum og skyndibitamatnum. Kannski ekki svo slæm hugmynd.

|