Maður er svona að reyna að koma sér fyrir hérna. Ótrúlegt hvað maður er búinn að sanka að sér miklu drasli, þarf að fara að henda einhverju af þessu. Ég stóðst læknisskoðun í gær og hitti þar vonandi í síðasta skipti félagi minn Dr. Higgins. Ég er búinn að eyða alveg nógu miklum tíma með honum. Eftir það var matur hjá coach. Það er svo sem ekkert of slæmt, maður mætir, borðar og fer, allt á innan við hálftíma.

Ég er greinilega ennþá á íslenskum tíma. Er gjörsamlega búinn á því svona milli 8 og 9. Reyndi að horfa á mynd í gærkvöldi, steinsofnaði eftir 10 mínútur. Pabbastíll á þessu. Þetta var meira að segja þessi fína Val Kilmer mynd.
Í morgun voru síðan fleiri hlaupapróf. Ég tók ekki þátt í neinu af þeim en stóð og skrifaði niður tímana hjá strákunum. Eftir að hafa verið úti í svona 10 mínútur tók ég eftir að móskítóflugurnar voru að halda veislu á löppunum á mér og var ég strax kominn með um 15 bit. Ég sá mér þann kost vænstan að hlaupa inn til að fá eitthvað sprey gegn þessum andskota. Ég hlít að vera svona sweet. Að miðnætti á síðan að vera Cooper test ef veður leyfir. Fellibylurinn Charley stefnir víst hingað þannig að æfingar yfir helgina eru allar í uppnámi. Þetta verður reyndar búið að breytast í Tropical Storm þegar hingað kemur en samt á að vera mikil rigning, þrumur og eldingar og þá er ekkert æft.

Ég þarf síðan á næstunni að skrifa smá pistil um pressu og hvernig á að höndla hana og toppa á réttum tímum. Það tel ég mig þurfa að gera til þess að hjálpa einum ákveðnum kappa sem á í miklum erfiðleikum með þetta. Þetta er nóg í bili. Vonum öll að HK vinni í kvöld.

|

Náði að kreista 6 tíma svefni út úr þessu grjóti sem kallast rúmið mitt. Fyrsta verk á dagskrá þegar ég vaknað var að fá sér eitthvað að borða. Ískápurinn tómur og því stóð tvennt til boða, burrito eða beygla. Valið endaði á beyglu og víst ég var að þessu á annað borð þá skellti ég í mig tveimur. Ég fór síðan út í geymslu að sækja eitthvað að dótinu mínu, ég svitnað svo við það að bera þetta að ég hugsa að ég þurfi að skella mér aftur í sturtu. Næst er síðan að fara til þjálfaranna að segja þeim að mér hafi tekist að togna í síðasta leiknum heima. Það verður stuð. Ef við förum yfir þetta þá kom ég út fyrsta árið nýbúinn í krossbanda aðgerð, næsta ár með rifinn liðþófa og í engu formi en æfði samt. Þriðja árið mætti ég nýbúinn í speglun og í slakri æfingu og svo núna í góðri æfingu en tognaður. Þetta ætti því varla að koma þeim á óvart en ég var að vonast eftir því að mæta einu sinni heill en það verður ekkert af þeir ósk minni.
Ef við snúum okkur að gleðifréttunum þá virkar Ge0-inn ennþá og hávaðinn í honum hefur ekkert minnkað. Þessi kerra á náttúrulega ekkert í Svampinn sem stóð vel fyrir sínu í sumar.

|

Mættur til Durham enn og aftur. Strax kominn í íbúðina mína sem er mjög þægilegt. Er alveg að lognast út af þannig að ég læt staðar numið hér. Skrifa meira síðar.

|