Ég var um daginn að skoða mismunandi bloggsíður eins og gerist svona af og til. Einhvern veginn lenti ég inni á síðu sem stelpurnar í Breiðablik eru með. Ég hefði svo sem ekkert munað eftir því frekar en öðrum síðum sem maður kíkir á nema það að þegar ég er að lesa textann þá sé ég allt í einu nafn mitt koma þar fyrir. Ég þekki nú engan sérstaklega þar þannig að mér þótti þetta frekar skrítið. Hér kemur textinn eins og hann leggur sig:

Mig langaði bara að óska Gulla og restinni af HK-félögum innilega til hamingju með sigurinn í gær. Hélduð stuðningsmönnum ykkar á tánum til að byrja með en auðvitað bara til að skapa smá spennu. Ég var virkilega svekkt að sjá Viktor klikka á fagninu, eina ástæðan fyrir því að ég mætti á völlinn, til að sjá fagnið life... Ég skora á ykkur HK-inga að taka Viktor til fyrirmyndar og taka allir hið karlmannlega hopp þegar þið skorið í þeim leikjum sem eftir eru. Það á pottþétt eftir að setja skemmtilegan svip á spútnik lið sumarsins.

Það er greinilegt að fögn mín hafa slegið í gegn.

Eftir að hafa lesið þetta þá var ég ekki alveg viss um hvað mér fyndist um það sem um var rætt en hef núna komist að þeirri ákvörðun að ég sé mjög sáttur með að fólk sé farið að streyma á völlinn til þess eins að sjá mig performa.

|

Þá er Ófeigur lagður af stað heim og fríinu okkar því lokið. Það var ótrúlega ljúft að hafa hann hérna en núna er kominn tími til að læra, bæði ég og hann. Það eru 2 vikur búnar af skólanum og ég er ekki enn byrjaður að opna bók og því svo sannarlega kominn tími til. Það mætti halda að þetta væri einhver leikskóli hérna. Það var að sjálfsögðu tekið eitthvað af myndum meðan hann var hérna og setti ég þær allar, þ.e. þær sem komust í gegnum ritskoðun, á netið og hægt er að skoða þér með því að smella hérna.

Golfið hjá okkur á fimmtudaginn gekk alveg vonum framar. Við spiluðum þennan völl síðast fyrir ári síðan og þá týndust 20 boltar. Núna voru það aðeins 2 þannig að framfarirnar eru greinilegar. Við spiluðum með einum prófessor hérna í skólanum sem kennir aðeins einn tíma og spilar síðan golf. Spurning hvort að þetta sé málið í framtíðinni.

Á föstudagskvöldinu fórum við síðan út að borða með 4 öðrum á japanskan veitingastað. Þar sat maður í hring og kokkurinn eldaði matinn fyrir framan mann og var smá sýningu á meðan. Þetta var nokkuð flott og maturinn góður.

Að öðru leyti voru síðstu dagar frekar rólegir og ekkert of mikið gert. Bara slakað á, þannig á þetta einmitt að vera. Kíktum reyndar út eitt kvöldið og þar voru 11 löggubílar fyrir utan klúbbinn. Þetta land hina frjálsu er helvíti mikið lögregluríki stundum og getur verið nett pirrandi.

|