Klukkan er rétt rúmlega 3 um nótt og var í þessum töluðu orðum að klára síðustu skiladæmin í þessari viku. Vikan er því sama sem á enda. Ég náði ekki að fara á Pzads (''skemmtistaður'' hérna í nágrenninu) í kvöld líkt og undanfarin fimmtudagskvöld og það er nú miður. Ófeigur komst að því í gær að það er ekkert pláss í NC-State þannig að hann verður ekki þar næstu önn. Hann gæti samt endað í innan við 3 tíma keyrslu frá mér ef allt fer á besta veg. Hann gat reyndar valið um einn skóla í Tennesse þar sem 75% af nemendunum eru svartir. Ég skil ekkert í honum að velja það ekki. Það hefði pottþétt verið tekið eftir honum. Á morgun fer ég með liðinu til Maryland. Held að það sé 5 tíma rútuferð. Eins gott að gleyma ekki iPod-num og kodda fyrir þá ferð. Sem senior fær maður pottþétt 2 sæti fyrir sig. Hinir fá að troða sér saman þannig að þetta verður ekki svo slæmt. Aðeins eitt slæmt við að vera ekki í Duke þessa helgi. Fyrsti heimaleikurinn í ameríska fótboltanum er á laugardaginn og það er alltaf mikil stemmning yfir því fyrir utan að það er hvergi hægt að leggja bílnum á meðan. Helmingurinn af nemendum skólans að drekka ódýran bjór á bílastæðunum (að tailgata), jafnvel þó að leikurinn byrji klukkan 12. Stundum eru hljómsveitir að halda uppi stuðinu og öllum er slétt sama um leikinn. Við töpum hvort eð er nánast alltaf þannig að það er ekki hægt að láta það trufla sig.

|

Er loksins kominn aftur með nettengingu. Hún datt út um helgina og var rétt að komast í lag núna. Maður er ekki nema hálfur maður án internetsins. Engin tengsl við umheiminn. Hvað er að gerast í boltanum? Hver er staðan í leikjunum? Ég komst loks í eitthvað tölvuver hérna og sá að Víkingarnir féllu. (Talandi um áð flýja sökkvandi skip, nei, bara djók). Helvítis aumingjaskapur í þeim að klára þetta ekki enda hringdi ég strax og ég frétti þetta í Höska og skammaði hann. Hvaða rugl er þetta að leyfa Fram að halda sér uppi með 6-1 tapi í síðasta leik. Svona gerir maður ekki. Það var nú frekar þungt hljóð í fyrirliðanum þannig að ég var ekkert alltof harður við hann. KR hélt áfram að gera í brækurnar og enduðu með 22 stig í sumar sem hlítur að teljast arfaslakt miðað við mannskap.

ManUtd er síðan að komast á skrið. Ég finn það á mér. Rio mættur aftur og sigur gegn Liverpool. Síðast þegar leikmaður kom úr löngu banni þá byrjaði hann einmitt sinn fyrsta leik gegn Liverpool líka. Þetta var 95 þegar Cantona kom með sitt come back. Það tímabil endaði vel. Nóg komið að fótboltatali. Það var svona nett veður í gær að ég ákvað að skella mér í golf eftir skóla. Ég verð nú að viðurkenna að þetta er ekki alveg sama stemmningin þegar maður er einn en mér gekk nú samt bara ágætlega. Nú eru bara 2 og 1/2 vika í Fall Brake. Ég er að spá í að kíkja til NY. Er að skoða flug núna. Er kominn með gistingu þannig að þetta ætti ekki að vera of dýrt. Sjáum til hvernig þetta fer. Þar til seinna.

|