Vikan er loks á enda sem í þessu tilviki er mjög gott. Lítið sofið þessa vikuna og lítið gert annað en lært sökum þess að það voru 2 próf. Þau er nú búin og gengu bæði bara ágætlega. Liðið er að fara til Charlottesville, Virginia í dag. Leikur annað kvöld gegn Univ. of Virginia. Ég hef ekki margt merkilegt að segja annað en að það er allt búið að vera brjálað á síðum skólablaðsins (The Chronicle). Í framhaldi af ráðstefnu Palestinian Solidarity Movement þá skrifaði einn strákur grein í blaðið sem hann kallaði ''The Jews'' og fór það mjög í brjóstið á gyðingasamfélaginu hérna. Hann er þarna á gráu svæði og talar um margt sem ''má ekki'' tala um. Athylglisverð grein og meira að segja forseti skólans ákvað að skerast í leikinn og svara þessu. Greinarnar sem hafa fylgt í kjölfarið á þessu er orðnar fjölmargar og er hægt að skoða þær hér. Jæja, best að koma sér af stað. Einkar óspennandi helgi framundan sem mun einkennast af því að sitja í rútu og hanga inni á hótelherbergi.

|

Ákvað að deila þessari mynd með lesendum. Ég var að fá hana senda frá Sólveigu rétt í þessu.
Frá vinstri: Egill, ég, Daniel, Sólveig, Birgir Hraf sem er í VTech, P.J. félagi Birgis og Jim.

|

Hvað er búið að gerast síðustu daga.
-Ég fór á PGA mót á laugardaginn eins og ég minntist á síðast. Það var ágætt að kíkja á það, engin rosa stemmning svo sem að horfa á þetta, sérstaklega þar sem ég þekkti ekki nógu marga. Parnevik var búinn að spila þegar ég kom en hann var á æfingasvæðinu þegar ég rölti þar framhjá.
-Við töpuðum okkar öðrum leik á þessu ári um helgina og erum því dottnir af efsta sæti ranking listans. Egill og félagar í UNCG halda hins vegar ótrauðir áfram og vinna allt og eru nú efstir á listanum sem sjá má hér.
-Um helgina var einnig PSM (Palestininan Solidarity Movement) ráðstefna og voru gyðingarnir og íhaldsseggirnir hérna alveg brjálaðir yfir því að það hafi verið leyft. Öryggi var hert til muna á campusnum en þetta fór á endanum allt friðsamlega fram.
-Fyrir hafnaboltaaðdáendur þá er spennan að magnast hérna. Boston Red Sox eru búnir að minnka muninn í viðureigninni við NY Yankees niður í 3-2 eftir að hafa unnið síðustu tvo leiki. Ég hef nú ekki nennt að horfa á þetta þar sem áhuginn er takmarkaður og síðustu tveir leikir hafa tekið fimm á hálfan klukkutíma. En ég kíki svona af og til og sér stöðuna sérstaklega þar sem ég er að læra fyrir 2 próf sem eru í vikunni og geri því margt til að komast hjá því.

|