Stutt tilkynning: Er á þessari stundu að klára oreo mint milkshake sem er alveg með ólíkindum góður.

Viðtalið í gær gekk bara ágætlega. Gaurinn sem ég talaði við fór bara í gegnum resume-ið með mér og spurði mig úti í það. Ég þurfti að útskýra fyrir honum hvað ég var að gera í sumar á verkfræðistofu. Ég ákvað að sleppa að tala um að ég var aðallega í flutningum í allt sumar, þ.e. ég þurfti svona að ýkja allt annað sem ég gerði þannig að það hljómaði eins og ég hafi gert það yfir allt sumarið. Veit ekki hversu sannfærandi það var. Ég var ekkert smá feginn að han lét mig ekki útskýra hvað fellst í því að vera flokksstjóri, það hefði verið ströggl. Maður þarf að passa sig á því hvað maður setur á resume-ið. Ég ákvað að setja niður ''skilled in German'' þar sem Kanar kunna ekkert í tungumálum þannig að það ætti að vera lagi. Haldið ekki að í fyrsta viðtalinu hafi gaurinn byrjað að tala þýsku og spurði mig hvort ég kynni eitthvað. Úps, var það fyrsta sem ég hugsaði, hvernig redda ég mér út úr þessu. Síðan kom í ljós að hann kunni minna en ég þannig að það reddaðist allt að lokum.

Ég er síðan að fara til South-Carolina á morgun. Leikur við USC á sunnudegi. Önnur helgin í röð í rútu og uppi á hótelherbergi.

|

Ekki margt merkilegt að gerast þessa dagana. Er að fara í viðtal hjá Trinity Consultants í dag. Það kom ekkert út úr hinu viðtalinu, svona líkt og ég bjóst við. Ekki mikið stress fyrir þetta viðtal þar sem ég myndi líklega ekki taka tilboði frá þeim þar sem þeir eru held ég að leita að fólki til að vinna í Raleigh, N.C. og ég held að ég myndi varla nenna að vera þar. Þeir þyrtu alla vega að borga nóg af seðlum (alla vega 50 G´s) til að þeir yrðu teknir til athugunar að alvöru. Þetta er meira hugsað svona uppá reynsluna. Þetta er einhvers konar umhverfis-ráðgjafarfyrirtæki. Ég kannski reyni að lesa mér aðeins til um það áður en ég tala við þá. Væri eflaust ekki svona vitlaust. :)
Svo styttist í Halloween. Hvað á maður að vera þá?

|

Fyrir þá sem ekki voru að fylgjast með þá vil ég bara minna á það að ManUtd var rétt í þessu að vinna Arsenal 2-0. Þvílík snilld. Ég var í beinu símasambandi við Ófeig síðustu 20 mínúturnar þar sem ég varð að fá allt beint í æð. Netið var of lengi að uppfæra hvað væri að gerast og það var hvergi verið að sýna leikinn hérna, því miður. 49 leikja sigurgöngu Arsenal er því sem betur fer lokið og upphaf endurkomu minna mann er hafið. Hægt og rólega munum við saxa á forskotið og enda uppi með titilinn í vor.

Við töpuðum í gær gegn Virginia í framlengingu. (Allir leikir eru framlengdir ef jafnt er eftir venjulegan leiktíma) Þeir minnkuðu muninn þegar 3 mínútur og 30 sekúndur voru eftir og fengu síðan víti og jöfnuðu leikinn þegar það var mínúta eftir. Við vorum orðnir tveimur færri og því á brattann að sækja. Þeir skoruðu svo snemma í framlengingunni og þá var þetta búið. Stemmningin í rútunni því ekki alveg sú besta. En allt þetta skiptir ekki máli þar sem ManUtd vann í dag og það er mun mikilvægara og þessi dagur getur ekki orðið annað en góður.

|