Senior night var í gærkvöldi, þ.e. síðasti heimaleikur ársins. Þetta er að öllu leyti venjulegur leikur nema að senior-arnir eru kynntir fyrir leikinn og þakkað fyrir. Við unnum leikinn sem var gegn Wake Forest 3-2 sem var ágætt þar sem minn árgangur hafði tapað síðustu 6 viðureignum við þá. Eftir leikinn þá héldum við Nige smá partý í íbúðinni. Við vorum ekki alveg vissir um hvernig það myndi takast en það endaði á því að vera algjör snilld. Þetta var blanda af Könum og alþjóðastúdentum. Ég tók stjórn á tónlistinni og fólk fór að hrúast á dansgólfið, reyndar nánast bara alþjóðastúdentarnir. Kanarnir horfðu á okkur vitleysingana en það höfðu allir gaman. Ekki jafn gaman að þrífa íbúðina í dag en það verður að hafa það. Ég tók nokkrar myndir af öllum þessum ósköpum og er hægt að skoða þær hér.

|

Þá eru kosningarnar loksins búnar. Þetta fór nú ekki alveg nógu vel fyrir Bandaríkin og heiminn allann að mínu mati en Bush fékk alla vega meiri hluta atkvæða núna. Það voru núna um 13 milljónir fleiri manns sem kusu heldur en fyrir 4 árum enda búin að vera mikill áróður í fjölmiðlum að fá fólk til að kjósa. Kosningaþátttaka hér í Norður-Karólínu slefaði upp í 75% sem telst bara mjög gott. Demókratar misstu einnig þingmenn þannig að þetta var ekki góður dagur fyrir þá. Hvað ætli fréttamenn geri núna? Þetta er búið að taka ár eða frá því að demókratar fóru að velja sinn kandídat. Þeir finna eitthvað, ég hef engar áhyggjur af því. Ef það kemur einhver þurrð þá er alltaf hægt að kæra Michael Jackson og hafa smá sirkus út úr því.

Síðasti heimaleikurinn er á föstudaginn. Þessu fer nú senn að ljúka sem er frekar skrítið að hugsa til. Það er samt ágætt. Þetta er komið gott.

|

Nóvember byrjaði með krafti. 30 stiga hiti í gær og ég þurfti að finna stuttbuxurnar aftur. Þær voru reyndar ekki komnar neitt alltof neðarlega í skúffuna. Kannski þetta veður sé til þess að drífa almenning hérna til þess að fara að kjósa.
Ég hjálpaði til í baráttu Kerry´s í dag þegar ég keyrði Dan á kjörstað til þess að hann gæti nú gefið honum atkvæði sitt. Verst að atkvæði demókrata í Norður-Karólínu verða væntanlega á endanum tilgangslaus þar sem þetta er Red-Neck ríki og repúblikanar vinna alltaf hérna og fá því alla kjörmenn fylkisins. Það er því ekki alveg hægt að segja að hvert atkvæði telji. Colorado er að kjósa um hvort að það eigi að breyta þessu og ef það nær í gegn þá myndi sá sem fær 60 prósent atkvæða fá 60 prósent kjörmanna o.s.frv. Það lítur samt út fyrir að það nái ekki í gegn þar, þar sem þá finnst því fylki vægi þess minnka. Þetta myndi samt koma í veg fyrir að forseti kæmist til valda með minni hluta atkvæða. Ætli ég horfi ekki á þegar úrslitin fara að streyma inn en það búast reyndar fáir við að þessu ljúki í dag og má búast við endurtalningu og ýmsum lagaflækjum á næstu dögum. Nú þegar fullt af utankjörfundar atkvæðisseðlum týndir o.s.frv. Þetta frá landinu sem telur sig vera númer eitt í heiminum.

|

Það gekk ekki alveg nógu vel í Columbus, S.C. Við töpuðum fyrir The South Carolina Gamecocks 1-0 í frekar ómerkilegum leik. Leikurinn var klukkan 2 um daginn og því mjög heitt. Þetta var eins og fyrir rúmum mánuði hérna.
Klukkunni var breytt að miðnætti í gærkvöldi. Það þýddi auka klukkutíma í svefn sem er alltaf vel þegið. Í kvöld er svo Halloween. Allir í rosa stuði en ég ákvað að beila á þessu. Nennti ekki að gera neitt eftir 4 tíma rútuferð og síðan er skóli á morgun. Talandi um skóla þá var ég að skrá mig í tíma fyrir næstu önn. Það stefnir allt í að það verði enginn tími á föstudögum og ekki tími fyrr en hálf fimm á mánudögum þannig að helgarnar verða langar. Ekki ætla ég að kvarta yfir því.

|