Ég komst heill frá VTech og er nú mættur aftur til Durham. Aksturinn gekk bara vel fyrir sig fyrir utan kaflann þegar ég var að keyra niður úr fjöllunum. Það var svo mikil þoka að það sást bara nokkra metra áfram og neyddist ég því til að grípa til ömmu-akstursins, þ.e. andlitið límt við rúðuna á 30 km hraða. Ég komst að lokum heim og mætti síðan í eina tímann sem ég þurfti að mæta í, og var eftir það kominn í fjögura daga frí. Enginn skóli á föstudögum og á mánudaginn er minningardagur um Martin Luther King. Ekki kvarta ég yfir þessu. Það lítur ekki út fyrir að það verði neinir snjódagar í ár. 20 stiga hiti og því er 66 gráður norður peysan ekki að gera neina góða hluti hérna.

Ég gleymdi alveg að segja frá því þegar ég, Ófeigur og Daniel mættum á James Joyce. Ófeigur hafði ekki séð þennan margumtalaða stað og því við hæfi að leyfa honum að sjá staðinn. Það var ekkert nema respect sem maður fékk þar. Eigandinn kom til okkar og óskaði okkur gleðilegs nýs árs og setti síðan lagið okkar á, þ.e. Africa með Toto (þið skiljið þetta ekki nema að hafa upplifað þetta) Ég skil nú alveg að eigandinn vilji hafa okkur góða enda við búnir að fá marga til að mæta til hans og skila honum miklum bissness.

Nóg í bili. Bæ.

|

Ég er nú staddur í Virginia Tech ásamt Ófa. Ég er réttara sagt meira fastur hér. Það er enginn mættur hérna í dorminu hans Ófeigs og ég gat nú ekki farið að láta ''litla'' brósa vera hér einn og yfirgefinn. Ég missti því enn og aftur af fyrsta skóladegi á vorönn en ég hef þá náð þeim árangri að missa af honum öll fjögur árin enda aldrei flogið út eftir jól á réttum tíma. En þetta hefur nú allt gengið ágætlega fram að þessu þannig að kannski var það bara vitleysa að fara eitthvað að breyta til. Bærinn hérna virkar ágætlega á mig. Miklu minni en Durham en hreinni. Einnig tók ég eftir því að hér er mun minna af svörtu liði. Spurning hvort að klanið sé virkt hérna?? Blacksburg er nú skuggalega nálægt West-Virginia sem er eitt versta rauð-hálsa fylki Bandaríkjanna.

Við mættum hérna í gær og fórum strax á alþjóðaskrifstofuna. Ég fann hana undireins enda búinn að fara í gegnum sama ferlið með Bigga í fyrra. Eftir stutt samtal við þá þar þurftum við að finna okkur hótel. Það hafði verið mælt með einhverju móteli við okkur en eftir að hafa skoðað aðstæður þar þá héldum við nú ekki og kíktum á almennilegt hótel. Það var bara of mikið af pick-up trukkum fyrir utan hitt. Verðum nú að hafa örlítin klassa yfir þessu. Mótelið hefði passað vel hefðum við farið á Geo-num en þar sem við leigðum almennilegan bíl þá gekk það ekki upp. Eftir að hafa ákveðið að vera hér einn dag í viðbót þá kíktum við í bíó og sáum Meet the Fockers sem var bara í góðu lagi. Gaylord Focker nafnið kannski notað í aðeins of mörgum bröndörum. Við kíktum síðan bara út í búð og náðum okkur í XX og Yuengling og erum því í góðum málum.

Later.

|

Þá er ég kominn aftur út til Durham. Ófeigur er með mér en við förum svona hvað á hverju að leggja af stað til Blacksburg, Virginia þar sem skólinn hans er. Ferðinn gekk ágætlega hjá okkur. Okkur leist nú ekkert á blikuna þegar við fórum upp í flugvélina hjá Icelandair. Við áttum að sitja í sætum 22 A og B en það voru einhver hjón búin að tylla sér í A og C og það var eiginlega ekkert B ef þið skiljið hvað ég á við. Það fór hrollur um okkur að annar hvor okkar yrði að vera þarna á milli og ég greip þá í örvæntingu minni í næstu flugflreyju að sagði henni að við bræðurnir vildum endilega sitja saman. Ég held að hún hafi nú skilið ótta okkar og fór beint í málið og reddaði þessu fyrir okkur. Eftir þetta gekk allt vel fyrir sig.
Núna er bara að koma sér út á bílaleigu og ná í bílinn fyrir ferðalagið til Blacksburg þar sem Geo-inn er ekki alveg í standi fyrir svona ferðalag.

|