Þá er komið að því. GRE prófið er að hádegi á morgun, laugardag. Ég þarf að ferðast í hálfgert gettó til að taka það en prófið er tekið í N.C. Centra Unv. sem er ekki á skemmtilegasta stað bæjarins. Þetta ætti samt að vera í góðu lagi um hábjartan dag. Ég var rétt í þessu að koma úr kvöldmat af WaDuke Inn. Við vorum að kveðja Tundei sem var að klára Ph.D. og er nú að flytja til Suður Afríka. Ég á örugglega ekki eftir að sjá hann aftur sem er skrítin tilhugsun en það mun nú væntanlega vera svo með flesta sem maður kveður í maí. Kannski á re-union eftir 20 ár. Nú er það bara að fara yfir orðalistana einu sinni í viðbót og þá ætti þetta að vera komið gott.

|

Þar sem það er ekkert spennandi að gerast hjá mér þessa dagana þá ætla ég aðeins að tala um veðrið. Það snjóaði í dag og eins og ég hef talað um áður þá veldur það ávallt miklum vandræðum hér þó að snjómagnið sé rétt nógu mikið til þess að hylja jörðina. Árekstrar eru komnir vel á annað hundraðið enda kann fólk hérna lítið að keyra við þessar aðstæður og bílarnir yfirleitt á sumardekkjum. Krakkar sem búa fyrir utan campus (5 mínútna akstur) tilkynntu kennurum að þeir treystu sér ekki í skólann (þ.e. nenntu ekki) og meira að segja taxar hættu að ganga. Allt óvíst með tíma á morgun að sjálfsögðu. :)

Það styttist síðan í GRE prófið. Ég er enn að reyna að læra ný orð. Reyni að fara yfir svona 100 orða á dag en ég held að það tolli lítið sem ekkert af þessum orðum uppi hjá manni. Svo þegar þetta próf er búið þá þarf að fara að íhuga að alvöru hvað skuli gera í Spring Break.

|

ennui = dissatisfaction and restlessness resulting from boredome or apathy
erudite = very learned, scholarly (lærður)
truculent = fierce and cruel
gregarious = sociable, outgoing, enjoying the company of other people
penurious = penny-pinching, excessively thrifty

Þetta eru nokkur orð sem ég er að reyna að læra og ákvað að deila þeim með ykkur. Síðan eiga náttúrulega ekkert af þessum orðum eftir að koma upp á prófinu en það er allt annað mál. Bara ef ég hefði farið í the erudite school sem er að sjálfsögðu eina alvöru menntastofnunin heima. Þá kynni ég þetta örugglega.

Önnur mál á dagskrá er þessi skelfilega kuldi hérna. Mínus 7 gráður úti núna að hádegi. Þetta er ekki hægt. Gæti snjóað yfir helgina. Eins gott að það snjói þá á sunnudagskvöldi þannig að þeir gefi frí í skólanum á mánudegi.

|

Ég tek til baka allt tal um að flíspeysan sé ekki að nauðsynleg hérna. Það er orðið skítkalt hérna og Íslendingurinn búinn að ná sér í kvef. Frí í skólanum á morgun. Ekki kvarta ég. Ég þarf að fara að læra fyrir GRE prófið (inntökupróf fyrir framhaldsnám) sem ég ætla að taka á næsta laugardag. Enski orðaforðinn sem ég þarf að læra fyrir það próf er ekki sá auðveldasti. Kannski ég komi með nokkur stikkorð úr bókinni hér á síðunni. Best að fara að koma sér á bókasafnið núna svo ég komi einhverju í verk í dag.

|