Ég ákvað að breyta aðeins útliti síðunar enda var hún búin að vera eins í alltof langan tíma. Ég hafði hana alveg svart/grá/hvíta í smá tíma en eftir kvartanir frá einum dyggasta lesanda síðunar þá ákvað ég að fá smá lit í hana og bætti smá rauðum lit í textana. Allt þetta er talsvert stúss skal ég segja ykkur þar sem á tölvumáli þá eru litir bara 6 tölustafir og ég veit ekkert hvaða litir eru hvaða tölustafir. Ég þurfti því bara að fikra mig áfram og prufa ýmsar mismunandi talnasamsetningar. Ég ætla að vona að þetta sé ásættanlegt.

Kolla varði doktorsritgerðina sína í gær þannig að nú má næstum því kalla hana doktor Kollu. Ég er því núna eini Íslendingurinn eftir í Duke. Við vorum 5 þegar ég byrjaði en það hefur ekki neinn nýr komið meðan ég hef verið hér og fólk bara verið að klára. Ég ákvað að gefa henni hvítvín í tilefni þess að hafa klárað áfangann og varð eitthvað fínt ítalkst vín fyrir valinu (datt í hug að kappinn fílaði það). Annars ekkert nýtt að gerast. Ég held ég geti alveg vanist að hafa ekkert að gera á föstudögum. Helgin byrjar eftir skóla á fimmtudegi, ekki kvarta ég :)

|

Fyrir helgi var Ófeigur með einhverjar yfirlýsingar um að skólinn hans, Virginia Tech, myndi vinna Duke. Hann hefði betur átt að halda sig á mottunni. VTech voru gjörsamlega teknir í bakaríið og endaði leikurinn 100-65. Ég hætti að horfa á leikinn í hálfleik því að þetta var varla leikur lengur, meira eins og æfing. Þeir voru sendir heim með skottið milli lappana.

Annars er lítið spennandi að frétta. Ég las í blaðinu í gær að Virgin Mobile er að koma með kerfi sem gæti reddað símareikningnum hjá mörgum. Þeir ætla að bjóða upp á þann möguleika að fólk lokað á ákveðin númer þegar það er í glasi. Þegar þetta kemur heim þá held ég að sumir ættu að taka til alvarlegrar íhugunar, sérstaklega þá að blokka á erlend númer því að það getur reynst dýrt að hringja í þau. Hægt er að lesa greinina í heild sinni hérna.

Miðar á U2 tónleikana sem ég ætlaði á í New York fóru á sölu í morgun. Það var uppselt um leið. Jafnvel að það hafi verið orðið uppselt í forsölunni. Ekkert smá ósáttur eins og fleiri í fjölskyldunni. Ég held að fullt af miðum séu komnir til sölu á ebay á uppsprengdu verði núna.

|