Dagur 5 frá aðgerð.
Ég ákvað að fara í tíma í dag. Það var nú bara einn tími í dag þannig að þetta telst nú ekki mikið afrek. Ég fékk að komast að því að það er ekkert grín að dröslast um á hækjum. Ég er í engu formi fyrir þetta en það mun væntanlega batna þar sem ég á enn eftir góðar 5 vikur á þeim. Verst hvað það verður orðið heitt þá. Það gerir þetta streð ekkert skemmtilegra.
Ég fór líka í sjúkraþjálfun. Kerry, sjúkraþjálfari var ekki sáttur með að sjá mig en og aftur enda boðar það sjaldnast gott að þurfa að vera hjá honum. Hann er fluttur yfir í YOH football center en ég varð nú bara að minnast á þetta þar sem mér þykir nafnið á húsinu nokkuð fyndið en þetta eru víst bara upphafsstafir þess gaurs sem gaf pening til styrkar fótbolta prógramminu. Það eina sem Kerry sagði mér var að vera þolinmóður. Ég má ekki mikið gera fyrstu 4 vikurnar. Það helsta er að setja engan þunga á löppina og vera duglegur í þessu tæki. Ég reyni bara eftir bestu getu að fylgja þessum fyrirmælum.

|

Aðgerðin gekk bara nokkuð vel. Svo var mér alla vega sagt. Ég veit ekkert meira en það. Mér líður nokkuð vel í dag, svo mikið veit ég. Það þurfti eitthvað að hreinsa meira til í hnénu en þeir heldu og er eitthvað orðið lítið eftir af liðþófa í hnénu. Brjósskemdirnar voru hins vegar minni en læknirinn bjóst við þannig að það voru ágætis tíðindi. Ég er búinn að liggja upp í rúmi og láta sjá um um alla helgina. Mér hefur verið sagt að ég eigi ekki að verða of vanur þessu því að þessi þjónusta sé aðeins tímabundin. Ég hef horft á ógrynni af DVD, þar á meðal lang leiðina kominn með að klára 3. seríuna af 24. Ég fékk síðan eitthvað tæki sem beygir hnéð og réttir. Ég er núna kominn í 60 gráður og á að auka um 10 gráður á hverjum degi. Ég hitti síðan sjúkraþjálfarann á morgun og vonandi fæ ég þá að vita hversu mikið ég má gera. Þar sem ég var hvort eð er búinn að tala við alla prófessora og þeir búast ekkert við mér í tímum þá er ég ekkert að pína mig í þá alveg strax.

|