Hægt og rólega er þetta allt að klárast hérna. Síðasti heimaleikurinn í körufboltanum er í kvöld. Þar sem þetta er hálfgerður körfuboltaskóli þá er það frekar lélegt að ég hef bara farið á 2 eða 3 leiki allan þann tíma sem ég hef verið hérna. Ég hef bara aldrei nennt að bíða í röð í marga klukkutíma, hvað þá tjalda í nokkrar vikur. Sætin fyrir framan sjónvarpsskjáinn eru mun þægilegri þó að stemmningin sé ekki sú sama. Ég mun því seint getað kallað mig Cameron Crazy. Seniors komast allir á leikinn í kvöld en þar sem fólk er hoppandi allan tímann þá nenni ég varla að vera þar á hækjunum þannig að ég held bara mínu striki áfram og horfi á þetta í sjónvarpinu.
14. dagurinn í dag og enn hef ég ekkert heyrt í lækninum.
Rétt rúm vika í Miami.

|

Hvað er það merkilegasta að gerast í Durham þessa dagana. Jú, Mr. Big er á staðnum. Hann er að leika í einhverju leikriti sem er verið að sýna hér í Duke og hefur hann sést á knæpum bæjarins. Hann lítur talsvert eldri út í alvörunni heldur en á sjónvarpsskjánum enda orðinn fimmtugur kallinn. Orðið á götunni er að hann sé töluvert sketchy og sé ólmur í að fá símanúmer ungra kvenkyns háskólanema. Kannski er sorglegast af þessu öllu saman að ég þekki hann betur sem Mr. Big úr Sex and the City heldur en Mike Logan úr Law and Order. Ég læt þetta nægja í bili.

|

Dagur 11 af 42 á hækjum og þetta verður ekkert skemmtilegra. Lítið spennandi að gerast hérna. Styttist þó í Spring Break sem er vel þegið.

Ég hélt að ég ætti að hitta lækninn á síðastliðinn föstudag en þess í stað hitti ég bara hjúkrunarfræðing og hún tók saumana úr. Ég lifi nefnilega enn í voninni að læknirinn stytti bæði hækjutímann og endurhæfinguna yfirhöfuð. Veit ekki alveg hversu líklegt það er en þar til ég hitti hann þá leyfi ég mér að vona það.
Dagarnir sniglast áfram og ég sem ætti að hafa svo mikinn tíma til að lesa hef nánast ekkert gert af því og hef kosið þess í stað að horfa á uppbyggjandi myndir. Ég reyni að vera duglegur í CPM tækinu og gera einhverjar einstaklega leiðinlegar æfingar sem sjúkraþjálfarinn setti fyrir. Sjúkraþjálfarinn var ánægður með gang mála en þrátt fyrir það þá sýnsit mér lærvöðvarnir vera að hverfa hægt og rólega. Ég komst loksins að því hvað CPM stendur fyrir og er það Constant Passive Motion.

Svo ég tala aðeins um fótbolta helgarinnar þá er það ekki oft sem ég held með Liverpool en það gerðist þó í gær. Ég fann loksins fyrir því hversu erfitt það er eflaust að vera Liverpool aðdáandi. Ég finn til með þeim. Þeim geta klúðrar öllu.

|