Það er orðið svolítið langt síðan ég lét síðast í mér heyra og margt hefur gerst síðan þá. Eftir að hafa skilað tveimur stórum verkefnum á mánudaginn þá fóru meira spennadi hlutir að gerast. Ég og Daniel keyptum okkur miða til San Fransisco og er stefnan sett þangað 20 apríl. Þar er strákur sem heitir Slav sem ætlar að taka á móti okkur og hýsa okkur þar til 24. apríl. Slav var í Duke fyrir 2 árum en er nú að stúdera í Berkely.
Þar sem ég var byrjaður að kaupa flugmiða þá keypti ég bara líka miða til New York 16. maí fyrir alla fjölskylduna eftir útskriftina hjá mér. Náttúrulega ekki allt á minn kostnað :) Á þriðjudeginum fór ég og Daniel og sóttum Ófeig til Virginia Tech og var það 7 tíma ferðalag og smá undirbúningur fyrir komandi ferðalög.

Þar sem það var bara eitthvað skemmtilegt búið að gerast þá hlaut að koma að einhverju miður skemmtilegu. Ég hitti lækninn á miðvikudaginn og það var ekkert hægt að díla við hann. 3 vikur í viðbóð á hækjum og þar fór draumurinn minn um að vera kannski bara á einni hækju í Miami. Enginn þungi á löppina sagði hann. Svona má ég fara að labba en enginn hlaup fyrr en eftir 4 mánuði frá aðgerð, þ.e. um miðjan júní. Ekki alveg það sem ég vildi heyra en svona er þetta bara.

En í framhaldi af samtali mínu við Higgins (læknirinn) þá fékk ég email frá nokkrum vinum hérna. Þau vildu endilega fara í sumarbústað í sveit Norður-Karólínu áður en önnin endar. Það eru allir að reyna að uppgötva fylkið núna áður en við klárum þar sem flestir hafa gert lítið af því og ólíklegt að maður eigi leið hérna í gegn eftir að skóla líkur. Það var því ákveðið að drífa í þessu og var helgin 1. og 2. apríl fyrir valinu. Mér líst mjög vel á þetta. Bústaðurinn sem við verðum í verður ekki amarlegur en hér má sjá svipaðan bústað og svo nokkrar myndir af náttúrunni í kring. Staðsetning er í Asheville, Norður-Karólínu en þar er meðal annars Biltmore Estate sem er að ég held stærsta ''einbýlishús'' í Bandaríkjunum. Ég er strax farinn að hlakka til fyrir þessa ferð en fyrst er það Spring Break sem hefst á morgun. Ferðinni er heitið til Miami og verður Road trip dauðans á morgun og er eins gott að hafa nóg af tónlist. Þetta eru einhverjar 82o mílur sem verða teknar samfleytt og er áætlaður aksturstími 13 og hálf klukkustund. Hér má sjá leiðina. Niðri í Miami gistum við í heimahúsi (held að þetta sé reyndar sumarhús þeirra) hjá einum strák sem er hér í Duke. Við verðum eitthvað í kringum 14 manns þarna þannig að stemmningin ætti að vera í lagi. Svo er ein stelpa sem við þekkjum hérna í Duke búinn að koma okkur inn á gestalistann á einum af heitari klúbbum Miami og ætti það að vera nokkuð svalt.

Það er sem sagt nóg að gera næstu vikurnar en ætli ég verði ekki drífa mig í svefninn svo ég hafi einhverja orku í morgundaginn

|

Ótrúlega tilviljanakenndur dagur í dag. Við ákváðum nokkrir krakkar hér að hittast í hádegismat þar sem veðrið er farið að vera nokkuð gott og gaman að sitja úti í sólinni og slaka á. Ég hef frekar mikið að gera þessa dagana þar sem það þarf að skila tveimur stórum verkefnum á mánudaginn þannig að ég ætlaði nú ekki að eyða of miklum tíma í eitthvað rugl. Síðan kom einhver með þá hugmynd að við ættum að fara í dýragarð Norður Karólínu. Öllum fannst þetta nú æðisleg hugmynd og ég var ekkert á móti þessu. Það versta við þetta er að dýragarðurinn er í litlum bæ sem heitir Ashboro sem er u.þ.b. einn og hálfan tíma frá Durham. Ég gat ekki sagt nei við því að fara í smá roadtrip og komast frá Durham. Lærdómur laugardagsins fór því fyrir lítið. Við vorum síðan ekki mætt fyrr en klukkan hálf fjögur og lokaði staðnum klukkan fjögur. Það var því ákveðið að hlaupa í gegnum garðinn og fundu þau hjólastól fyrir mig. Við fórum allan hringinn á rétt rúmum hálftíma sem er ekki slæmt afrek.

Við ákváðum síðan að fara að fá okkur kvöldmat. Þegar við keyrðum um nágrennið sáum við afhverju Durham er kölluð borg hérna. Þetta var ótrúlega sorglegur staður. Við fórum inn á veitingastað og komust að því að við vorum mætt í biblíubeltið og þetta var dry county. Ekkert áfengi selt en staðurinn samt með bar fullan af sweet tea. Við keyrðum svo að lokum tilbaka og ég sé fram á langan sunnudag en það er alveg þess virði þar sem þessi ferð var vel heppnuð.

Eina slæma við þenna dag var að ManUtd gerði jafntefli og Chelsea vann.

|