Síðasti skóladagurinn eða LDOC eins og Kanar kjósa að kalla hann er búinn og upplestrarfrí byrjað. LDOC heppnaðist vel og var mikið stuð allan daginn og langt fram á nótt. Dagurinn byrjaði með hádegismat á Joyce. Eftir það var Senior Barbeque sem haldið er fyrir elstu árs nema af gömlum nemendum. Þar hitti maður fullt af krökkum sem maður hefur ekki séð lengi. Það var mikið stuð þar og allir í góðu skapi jafnvel þó að það hafi rignt aðeins á okkur. Eftir bbq-ið var kominn tími til að koma sér á tónleikana. Tónleikarnir voru ekkert merkilegir sérstaklega þar sem ég þekkti afskaplega lítið af lögunum sem þeir spiluðu. Ég þurfti síðan að koma að mér tilbaka í íbúðina mína þar sem ég og Nige ákváðum að halda partý eftir tónleikana og þurfti því að taka aðeins til og blanda eitthvað að drykkjum fyrir mannskapinn. Við snérum íbúðinni okkar í klúbb fyrir kvöldið. Út á svalir með sófana, fengum lánuð diskóljós og árangurinn lét ekki á sér standa. Fólk var dansandi og hoppandi næstu 3 tíma. Mikið stuð. Restina af myndunum frá deginum setti ég síðan í nýja möppu á myndasíðunni.

Svo fólk (fólk = foreldrar í þessu tilviki) haldi ekki að ég sé algjörlega búinn að missa það hérna úti og hættur að læra þá fékk ég tilkynningu um það að nafn mitt yrði efst á þessum lista þegar hann verður uppfærður næst.

|

Búinn. Aldrei aftur í tíma hér í Duke. Síðasti skóladagur er á morgun en ég þarf ekki að mæta í neinn tíma. Á morgun eru svo tónleikar. Einhver gömul útbrunnin hljómsveit sem kallar sig Collective Soul mætir á staðinn til að skemmta lýðnum. Þeir eru þó í ágætis aðstöðu þar sem þeir geta varla verið slakari en Kanye West var í fyrra.

|

Duke er ágætis staður en það má aldrei gleyma því að skólinn og allt í kringum hann er rekið sem fyrirtæki. Ég var að fá þetta email sem minnir mann á það all rækilega. Ég vil minna á að útskrift er sunnudaginn 15. maí.

Dear Central Campus Resident,

This email is a reminder that your Central Campus Apartment deadline for moving-out is noon, Monday, May 16, 2005 following Commencement on Sunday, May 15th. Your housing license to occupy space expires at 12:00 noon on Monday, May 16th. If you feel this information is incorrect, please contact us as soon as possible.

Failure to move out by the deadline may result in additional rent charges, labor charges to move your belongings into storage, storage charges, an "emergency" lock change so that you will be unable to use the apartment or access any belongings you have left, and charges for lock changes including "emergency" changes and changes to restore the original lock.

Best wishes for a great summer!

Já, útskrift er á sunnudegi og svo daginn eftir eins gott að koma sér í burtu enda mun ég ekki eiga neinn samastað eftir hádegi á mánudegi.

|