Ég er búinn með Duke. Skrítin tilfinning. Það var ekki einhver hoppandi gleði sem ég fann fyrir eftir að við kláruðum síðusta fyrirlesturinn okkar og skiluðum verkefninu okkar. Frekar smá söknuður. Ég er búinn að njóta tímans hérna ótrúlega vel, sérstaklega seinni hlutans eða þegar ég var búinn að læra inn á kerfið og Kanann. En ég býst við að allt þurfi nú að taka enda. Næsta skref er síðan að fara heim en ég býst svo sem ekki við alltof löngu stoppi þar. Ég þarf nú væntanlega að klára einhvern master áður en langt um líður.

Ég keypti mér svo miða á U2 tónleika sem verða í New York þegar ég verð þar. Tónleikarnir eru reyndar í New Jersey en það skiptir ekki öllu máli. Ég er strax orðinn spenntur yfir því að hlusta á þá spila en ég vil ekki tala um hversu mikið ég borgaði fyrir miðann. Það verður vel þess virði.

Núna þarf ég bara að fara að taka til áður en foreldrarnir koma.

|

Skrítin prófvika þar sem ég er ekki í neinum lokaprófum í ár. Bara 3 hópverkefni sem þurfa að klárast og reyndar vorum við að skila inn því fyrsta núna í morgun og héldum í leiðinni fyrirlestur um það. Næstu skil eru síðan á fimmtudaginn og svo klárast þetta á föstudegi. Þó að það sé alveg nóg að gera í verkefnunum þá er þetta mun minna stress heldur en að vera í 3 eða 4 prófum á 5 dögum. Nú er bara síðasti spretturinn eftir og síðan fara ættingjar að hrúgast hingað til Duke.

|