Jæja, ég hef þá gert nokkrar smáværilegar breytingar á útlitinu. Aðeins léttara yfirbragð. Stefnan var að sjálfsögðu að gera mun meira en þegar ég fór að fikta eitthvað í þessu þá áttaði ég mig á því að ég var ekki svo lipur við þetta lengur........kannski var ég það aldrei en ég ég alla vega gafst upp. Upphaflega planið var að hafa þetta hvítt, blátt og rautt.....fánalitir beggja heimalandanna en það verður að bíða betri tíma. Ég uppfærði samt sem áður email og síma upplýsingar.
Þessi vika hefur verið afskaplega róleg eftir annasama viku þar á undan. Ég hef reynt að fara á flest allt það sem alþjóðaskrifstofan hefur haft upp á að bjóða, þá einkum til að kynnast krökkunum hér, og svo ýmist stúss, svo sem að ná mér í bankareikning og nýtt símanúmer. Ég áttaði mig snemma á því að vegalengdirnar hér eru talsverðar þannig að ég rölti líka út í búð og keypti mér reiðhjól. Ég var búinn að finna eitt voða fínt og kominn með það að búðarkassanum þegar sölumaðurinn sagði mér að það væru meira en góðar líkur á því að því yrði stolið. Ég fór því á hinn endann á verðskalanum og fékk eitt sem ætti að vera nokkuð laust við þá hættu :) Það virkar bara fínt. Ég náði alla vega að hjóla á því í næsta bæ þar sem ég tók skriflega ökuprófið.
Helgin ætti að vera áhugaverð. Á laugardaginn er Love Fest (áður kallað Love Parade) í San Francisco og ætti það að vera spennandi. Ég ætla að minnsta kosti að vera við öllu viðbúinn og mæti með myndavélina.

|

Ég er mættur aftur til Bandaríkjanna eftir 15 mánaða pásu. Ekki á sama stað samt. Ég er núna í Kaliforníu og mér líst mjög vel á staðinn. Stefnan er þá að byrja að blogga aftur en ég verð aðeins að rifja upp fyrir mér hvernig þetta virkar. Mér sýnist ég þurfa að laga komment kerfið, ég þarf að breyta ýmsum kontakt upplýsingum og ég held að ég verði að breyta aðeins útlitinu fyrst ég er kominn á nýjan stað.......nýir litir og ný mynd a.m.k.
Ég er búinn að vera hér í tæpa 10 daga. Fyrstu vikuna voru Bensi og Ófeigur í heimsókn og var sú vika alveg frábær. Við fórum í vínsmökkun, skoðuðum San Francisco vel og vandlega, hjóluðum yfir Golden Gate og kíktum á Alcatraz. Ég stefni að setja myndir á netið af þessari viku bráðlega.
Pabbi varð svo sextugur í dag og óska ég honum innilega til hamingju með þann áfanga.

|