Fyrstu skólavikunni er þá lokið. Mér líst bara nokkuð vel á fögin sem ég er í og prófessorana. Við erum að mestu leiti sömu krakkarnir í langflestum tímum þannig að við erum farin að kynnast ágætlega. Þetta eru allra þjóða kvikindi en meirihlutinn þó frá Bandaríkjunum. Enginn frá Duke samt.

Ég Þórólfur fórum svo í Best Buy í dag. Við erum hvorugur með bíl og tókum því taxa yfir í East Palo Alto. Stanford er í/við Palo Alto sem er mjög ríkt hverfi. East Palo Alto er greinilega vitlausu megin við hraðbrautina því þarna er gettó dauðans. Leigubíllinn skutlaði okkur í Best Buy, ekkert mál, en eftir innkaupinn (nauðsynjar að sjálfsögðu) þá var annað upp á teninginn. Við hringdum þá á taxastöðina aftur og báðum um bíl. Svarið sem við fengum var að þeir sendu ekki bíla í þetta hverfi og gáfu okkur upp númer á annarri taxastöð, sú taxastöð neitaði einnig að koma en gaf okkur númerið á annarri taxastöð. Sú þriðja gafa sama svarið og hinar en gaf okkur númerið á fyrstu stöðinni aftur. Það er ekki hægt annað en að elska ameríku og stéttaskiptinguna. Eftir smá panik fórum við inn og sögðum henni frá okkar vandræðum og hún hringdi í enn eina stöðina sem samþykkti að sækja okkur..............loksins.

Klukkutíma eftir að við hringdum kom loksins taxi. Taxabílstjórinn þurfti að sjálfsögðu að vera hinn mesti furðufugl sem bablaði endalaust um Ísland og Björk. Þegar við sögðum honum að halda beint áfram (just go straigh ahead) svaraði hann um hæl: "There is no straight in California, only damn faggets, you go forward here". Kannski eitthvað til í þessu en gaurinn kom okkur hins vegar á áfangastað og því var í lagi að hlusta á ruglið í honum. Við erum alla vega komnir með prentara, hátalara, netsnúrur og ýmsa minni hluti og íbúðin því orðin nokkuð góð núna.

|

Þá er skemmtilegri helgi lokið hér í Kaliforníu. Ég og Þórólfur tókum lestina snemma á laugardegi upp til San Francisco og kíktum til Daniel´s í heimsókn. Það er alltaf nóg um að vera þar og þessa helgina var Love Fest í gangi. Þetta var nú talsvert öðurvísi en ég hélt. Þarna var búið að girða af stórt svæði og svo voru full af pallabílum með mismunandi teknó tónlist í gangi. Full hart fyrir mig en stemmningin var engu að síður skemmtileg. Hér er hægt að hlusta á smá sýnishorn af því hvað ég er að tala um. Dagskránni lauk upp úr 8 og fórum við þá og náðum okkur í eitthvað að borða. Um kvöldið kíktum við svo á Ruby Skye. Þar hélt hörð teknótónlist áfram og er ég rétt að losna við suðið úr eyrunum núna. Gaman samt og staðurinn flottur. Í dag fórum við svo í bíltúr niður með ströndinni og kíktum á Big Sur sem er mjög fallegur staður. En á morgun byrjar svo alvaran. Fyrsti tíminn er stundvíslega klukkan 9:30.

|