Þá er vikan loks búin og langþráð frí byrjað. Prófið í gær gekk bara nokkuð vel og ég því nokkuð sáttur við vikuna. Við ætlum samt ekki að hanga hér á campus og gera ekki neitt í fríinu. Ég og Þórólfur leigðum bíl í dag og ætlum við að leggja í hann í fyrramálið. Stefnan er sett suður á bóginn, eða réttara sagt til Los Angeles. Ég ákvað að það væri við hæfi að hringja í einu manneskjuna sem ég þekki í LA, hana Dainu Falk, sem var með mér í Duke. Ég hringdi nú bara til þess að athuga hvort að við ættum ekki að hittast, jafnvel hvort að hún hefði tíma til að sýna okkur aðeins um. Hún endaði hins vegar á því að bjóða okkur bara gistingu hjá sér. Stúdentarnir hafna nú ekki svoleiðis gylliboðum og því er stefnan sett á Beverly Hills, 90210 , á morgun. Ég tek nú myndavélina með mér þannig að ef það gerist eitthvað spennandi þá set ég það netið.

|

Allt að verða brjálað hérna í Stanford. Nei, það er eitthvað fjarri því. Sit og læri og læri þessa dagana. Próf á fimmtudaginn og þá loksins kemur smá pása. Í næstu viku er Thanksgiving og við fáum alla vikuna í frí. Það verður mjög tímabær pása. Talandi um frí...Ég fékk póst um helgina frá Katar eða réttara sagt frá Skipulagsnefndinni vegna brúðkaups Mayassa og Jassim. Reglurnar sem við þurfum að fara eftir þarna ásamt dagskránni eru smám saman að koma í ljós. Hér kemur hluti af póstinum:

|